Thursday, September 21, 2023

મારી માટી, મારો દેશ, મારા ગણેશ

શાહપુર પ્રાથમિક શાળામાં મારી માટી, મારો દેશ, મારા ગણેશ પ્રવૃત્તિનું આયોજન

    પ્રતિ વર્ષ ગુજરાતમાં ગણેશ ઉત્સવનું પર્વ મનાવવામાં આવે છે. ગણેશજીની પ્રતિમા બનાવવા માટે કેમિકલ નો ઉપયોગ થતો હોવાથી પર્યાવરણને નુકસાન થાય છે. ગીર ફાઉન્ડેશન ગાંધીનગરના માર્ગદર્શનથી ગાંધીનગર તાલુકાની શાહપુર પ્રાથમિક શાળાના વિદ્યાર્થીઓ દ્વારા માટીના ગણપતિ બનાવી પર્યાવરણ સંરક્ષણ અને લોક જાગૃતિ માટે મારી માટી, મારો દેશ, મારા ગણેશ પ્રવૃત્તિનું આયોજન કરવામાં આવ્યું. જેમાં વિદ્યાર્થીઓએ હાથમાં માટીના ગણપતિ રાખી પર્યાવરણ જાગૃતિનો એક વિડીયો બનાવ્યો, જેને ગીર ફાઉન્ડેશન ગાંધીનગરમાં મોકલવામાં આવ્યો.ગીર ફાઉન્ડેશન દ્વારા વિદ્યાર્થીને કામગીરી બદલ એક વિશિષ્ટ પ્રમાણપત્ર આપવામાં આવ્યું.



Wednesday, September 20, 2023

મહારાષ્ટ્ર નાસિકથી આવેલ શિક્ષણ વિભાગની ટીમ દ્વારા શાહપુર શાળાની મુલાકાત. 

        તા. ૦૬/૦૯/૨૦૨૩ ના રોજ  વિદ્યા સમીક્ષા કેન્દ્ર ગાંધીનગરના માધ્યમથી મહારાષ્ટ્ર નાસિકથી આવેલ શિક્ષણ વિભાગની ટીમે શાહપુર પ્રાથમિક શાળાની મુલાકાત લીધી.  ઓનલાઇન હાજરી, ચાઈલ્ડ ટ્રેકિંગ, એકમ કસોટી અને G-SHALA જેવી બાબતો નો ઝીણવટપૂર્વક અભ્યાસ કરી માહિતી મેળવી.




માન. શિક્ષણ મંત્રીશ્રી ના હસ્તે સન્માન

 શાહપુર પ્રાથમિક શાળાના આચાર્યનું વાત્સલ્ય ફાઉન્ડેશન મહેસાણા દ્વારા માન. શિક્ષણ મંત્રી શ્રી,  ડૉ. કુબેરભાઈ ડિંડોર સાહેબના હસ્તે સન્માન  

    વાત્સલ્ય ફાઉન્ડેશન દ્વારા તા. ૨૩ ઓગસ્ટના રોજ ગુરુ વંદના કાર્યક્રમનું આયોજન કરવામાં આવ્યું. જેમાં  રાજ્યના ૧૪૧ શિક્ષકોને શાળામાં કરેલ વિશિષ્ટ અને પ્રશંસનીય કામગીરી બદલ રાજયના શિક્ષણ મંત્રીશ્રી ડૉ. કુબેરભાઈ ડીંડોર સાહેબના હસ્તે પ્રમાણપત્ર આપીને સંમંતિ કરવામાં આવ્યા. જેમાં ગાંધીનગર તાલુકાની શાહપુર પ્રાથમિક શાળાના આચાર્ય શ્રી અશ્વિનભાઈ ભૂલાભાઈ પ્રજાપતિનું પણ પ્રમાણપત્ર આપીને સન્માન કરવામાં આવ્યું. આ પ્રસંગે માન. મંત્રીશ્રી ની સાથે સાંસદ શારદાબેન પટેલ, કલેકટર શ્રી એમ. નાગરાજન, જિલ્લા વિકાસ અધિકારી શ્રી ડૉ. ઓમપ્રકાશ અને અન્ય મહાનુભાવો ઉપસ્થિત રહ્યા.




એક મુલાકાત

 શાહપુર પ્રાથમિક શાળાના વિદ્યાર્થીઓએ આઇ. આઇ. ટી. પાલજની મુલાકાત લીધી. 

શાહપુર પ્રાથમિક શાળાના ધોરણ ૬ થી ૮ ના વિદ્યાર્થીઓએ આજ રોજ તા. ૧૮/૦૮/૨૦૨૩ ના રોજ  શાળાના ગણિત વિજ્ઞાન ના શિક્ષકો સાથે આઈ આઈ ટી પાલજની મુલાકાત લીધી હતી. વિદ્યાર્થીઓને આઈ આઈ ટી ના તજજ્ઞ મિત્રો દ્વારા   ગણિત વિષયના વિવિધ મોડેલ તથા વિજ્ઞાનની વિવધ પ્રવૃતિઓ કરાવવામાં આવી હતી. વિદ્યાર્થીઓએ પોતાની જાતે પણ ગણિત વિજ્ઞાનના ઘણા બધા મોડેલ તૈયાર કર્યા હતા. આઈ આઈ ટી માં ચાલતા અભ્યાસક્રમ અને પ્રવૃતિઓની માહિતી પણ વિડીયો માધ્યમથી બતાવી હતી.






સ્વાતંત્ર્ય દિન નિમિત્તે સન્માન

 15 ઓગસ્ટ સ્વાતંત્ર્ય દિન નિમિત્તે ગુજરાત રાજ્યના વન અને પર્યાવરણ મંત્રી શ્રી મુકેશભાઈ પટેલ દ્વારા શાળામમાં કરેલ શ્રેષ્ઠ કામગીરી બદલ સન્માન 







Sunday, August 13, 2023

બાળમેળો

શાહપુર પ્રાથમિક શાળામાં તા. ૧૦-૦૮-૨૦૨૩ ને ગુરુવારના રોજ ધોરણ 1 થી 5 નો બાળમેળો યોજાયો તથા ધોરણ 6 થી 8 માટે જીવન કૌશલ્ય આધારિત બાળમેળો યોજાયો.











 


મેરી મિટ્ટી મેરા દેશ


શાહપુર પ્રાથમિક શાળા ખાતે મેરી મિટ્ટી મેરા દેશ કાર્યક્રમ યોજાયો.

આજરોજ આદર્શ પ્રાથમિક શાળા શાહપુર ખાતે "મેરી મિટ્ટી મેરા દેશ" કાર્યક્રમ અંતર્ગત શાળામાં બાળકો દ્વારા વિવિધ કાર્યક્રમોનું આયોજન કરવામાં આવ્યું. આઝાદીકા અમૃત મહોત્સવ અંતર્ગત ગામના સરપંચ શ્રી અર્પિતભાઈ પટેલ, તલાટી શ્રી યોગેશભાઈ પટેલ, શાળાના આચાર્ય શ્રી અશ્વિનભાઈ પ્રજાપતિ તથા અન્ય આગેવાનો દ્વારા માનનીય પ્રધાનમંત્રી શ્રી દ્વારા આપેલ પંચ પ્રણ શપથ દ્વારા લેવામાં આવ્યા. શહીદોની યાદ માટે બનાવેલ શીલા ફલકમ ની સામે પુષ્પાંજલિ કરવામાં આવી. ગામની માટીને કળશમાં એકત્ર કરી દરેક મહેમાનો દ્વારા કળશ યાત્રા કરવામાં આવી. રાષ્ટ્રગાન અને ધ્વજવંદન બાદ સૌ છૂટા પડ્યા.